Թրամփն ամերիկացիներին շնորհավորել է Գոհաբանության օրվա առթիվ
ԱՄՆ-ի նախագահ Դոնալդ Թրամփը նոյեմբերի 23-ին երկրի քաղաքացիներին շնորհավորել է պետական տոնի՝ Գոհաբանության օրվա առթիվ։ «Երջանիկ Գոհաբանության օր, ձեր երկրի գործերն սկսում են իրոք լավ ընթանալ»,-գրել է նա Twitter-ում: «Վերստին հայտնվում են աշխատատեղեր, ֆոնդային շուկան վերելք է ապրում ինչպես երբեք, զինված ուժերն իսկական հզորություն են ձեռք բերում, մենք արգելապատ ենք կառուցելու Մեքսիկայի հետ սահմանին»,-հավելել է նախագահը: Բացի այդ, նա նշել է Գերագույն դատարանի եւ ԱՄՆ-ի վետերանների գործերի նախարարության լավ աշխատանքը, ինչպես նաեւ «գործազրկության ամենացածր ցուցանիշները վերջին 17 տարվա ընթացքում»:
Նախօրյակին Թրամփն անցկացրել է հնդկահավերին ներում շնորհելու ավանդական արարողությունը: Արարողությանը նաեւ ներկա էին Թրամփի կինը՝ Մելանյա Թրամփը եւ նրանց որդին՝ Բերոնը:
ԱՄՆ-ում Գոհաբանության օրը նշվում է նոյեմբերի չորրորդ հինգշաբթի օրը, այս տարի տոնակատարությունը զուգադիպում է նոյեմբերի 23-ին:
Գոհաբանության օրը հնդկահավերի մեծարման ավանդույթի սկիզբը դրվել է 1947 թվականին, երբ Հնդկահավի ազգային ֆեդերացիան եւ Թռչնաբույծների ազգային խորհուրդն առաջին անգամ այդ թռչունը նվիրեցին ԱՄՆ-ի նախագահ Հարի Թրումենին: 1963 թվականին նախագահ Ջոն Քենեդին, ստանալով ավանդական նվերը, առաջարկել է ողջ թողնել թռչնին: Բայց հնդկահավին ներում շնորհելու առաջին պաշտոնական արարողությունը կատարել է Ջորջ Բուշ Ավագը 1989 թվականին, հաղորդել է «Ինտերֆաքս»-ը:
Today, we continued a wonderful American Tradition at the White House. Drumstick and Wishbone will live out their days in the beautiful Blue Ridge Mountains at Gobbler’s Rest… pic.twitter.com/fsS8B8f5UR
— Donald J. Trump (@realDonaldTrump) 21 ноября 2017 г.
