Շուկայում ձվի դեֆիցիտ է, իսկ ներկրվածներն էլ վաճառում են երկու անգամ թանկ գնով. «Ժամանակ»
«Ժամանակ» թերթը գրում է. ««Ժամանակ»-ի տեղեկություններով՝ տևական ժամանակ է, որ Հայաստանում կրկին վաճառվում են դրսից ներկրված հավկիթներ, որոնց վրա առկա կնիքները դրա վառ ապացույցն են:
Մեր տեղեկություններով՝ հավկիթները ներկրում է «Արաքս» թռչնաբուծական ֆաբրիկան: Ուշագրավ է, որ ներկրված հավկիթները վաճառվում են երկու անգամ թանկ գնով:
Հիշեցնենք, որ «Բաղրամյանի» թռչնաբուծական ֆաբրիկայի սեփականատեր Արմեն Խաչատրյանը, երբ ձու էր ներկրում, այն վաճառվում էր 30-40 դրամով, իսկ հիմա 60-70 դրամով է վաճառվում: Մինչդեռ տրամաբանությունը հուշում է, որ ներկրվածը պետք է որ ավելի մատչելի լիներ: Ամեն դեպքում, ներկայումս ՍԱՊԾ-ն ոչ մի աղմուկ չի բարձրացրել, քանի որ շուկայում ձվի դեֆիցիտ է, և այդպիսով փորձ է արվում դեֆիցիտը վերացնել»:
Ամբողջությամբ կարող եք կարդալ «Ժամանակ» թերթի այսօրվա համարում։
