«Երևան սիթի» սուպերմարկետի մոտ ավտոմեքենա է այրվել
Նոյեմբերի 7-ին, ժամը 13:06-ին տեղեկություն է ստացվել, որ Երևան քաղաքի Գայի պողոտայում՝ «Երևան սիթի» սուպերմարկետի մոտակայքում այրվում է ավտոմեքենա:
Դեպքի վայր է մեկնել երկու մարտական հաշվարկ:
Հրդեհը մարվել է տեղի ուժերով: «Opel Astra G» մակնիշի 34 VT 838 պետհամարանիշով ավտոմեքենայի (վարորդ Ռ. Բ.) դիմապակու ներքևի հատվածում այրվել է տաքացուցիչը՝ մասամբ:
Փրկարարները հոսանքազրկել են ավտոմեքենան և փակել գազի բալոնի փականը:
