Իրավապահ ոլորտում հայվրացական գործընկերությունը վերաճել է համատեղ աշխատանքի. ՀՀ ոստիկանապետ
Սեպտեմբերի 26-ին ՀՀ ոստիկանության պետ, գեներալ-լեյտենանտ Վլադիմիր Գասպարյանն ընդունեց Հայաստանի Հանրապետությունում Վրաստանի արտակարգ և լիազոր դեսպան Գիորգի Սագանելիձեին:
Վլադիմիր Գասպարյանը կարևորեց հայ-վրացական գործընկերային հարաբերությունները իրավապահ ոլորտում՝ նշելով, որ համագործակցությունն արդեն իսկ վերաճել է համատեղ աշխատանքի:
Շնորհակալություն հայտնելով ջերմ ընդունելության համար՝ Գիորգի Սագանելիձեն վստահեցրեց, որ դեսպանությունը պատրաստ է առավելագույնս աջակցելու գործընկերության ամրապնդմանն ու խորացմանը:
Վլադիմիր Գասպարյանը հավաստեց, որ երկու իրավապահ կառույցների ուղղակի և ամենօրյա համատեղ աշխատանքը նախանշված ծրագրերի իրագործման լավագույն ուղին է:
Հանդիպման ընթացքում քննարկվեցին փոխադարձ հետաքրքրություն ներկայացնող այլ հարցեր ևս:
