Կրակե մրրկասյուներ. Կալիֆոռնիայում մոլեգնում են անտառային հրդեհները
Կալիֆոռնիայում մեկ շաբաթից ավելի է, ինչ մոլեգնում են անտառային հրդեհները, որոնք ոչնչացրել են հարյուրավոր շինություններ և պատճառ դարձել մարդկանց տարհանման: Հրդեհվող անտառների լուսանկարներում տեսանելի են կրակե մրրկասյուներ, հայտնում է BBC-ի ռուսական ծառայությունը: 
Մասնավորապես, կրակե մրրկասյուները նկատելի են Սան-Բեռնարդինոյի հարևանությամբ՝ Լոս Անջելեսից 96 կմ արևելք:
Ներկայում կրակն ընդգրկել է մոտ 150 քառակուսի կիլոմետր: Ավելի քան 82 հազար մարդ է տարհանվել: 
Հրշեջները, որպես օրենք, ձգտում են խուսափել կրակե մրրկասյուներից դրանց անկանխատեսելիության և դրանց հարևանությամբ չափազանց բարձր ջերմաստիճանի պատճառով: Դրա փոխարեն նրանք իրենց ջանքերը կենտրոնացնում են այն շրջաններում, որտեղ հեշտ է կանխատեսել կրակի տեղաշարժը: 
Հրդեհաշիջման աշխատանքներին մասնակցում են հազարավոր հրշեջներ, ինչպես նաև 17 ուղղաթիռ և 178 հրշեջ մեքենա:
Դեռ հայտնի չէ ոչնչացված տների և շինությունների թիվը: 
