Էրդողանը խոստացել է Պորոշենկոյին, որ Թուրքիան չի ճանաչի Ղրիմի բռնակցումը
Թուրքիայի նախագահ Ռեջեփ Թայիփ Էրդողանը Ուկրաինայի նախագահ Պյոտր Պորոշենկոյի հետ հեռախոսազրույցում դարձյալ հավաստիացրել է, որ Թուրքիայի դիրքորոշումն անփոփոխ է և աջակցում է Ուկրաինայի անկախությանն ու տարածքային ամբողջականությանը միջազգայնորեն հաստատված սահմաններում և չի ճանաչելու Ղրիմի բռնակցումը:
«Թուրքիայի նախագահը հայտարարել է, որ Թուրքիան չի ճանաչի Ղրիմի բռնակցումը և կշարունակի ամեն կերպ աջակցել Ղրիմի թաթարներին»,- ասվում է հաղորդագրությունում:
Պորոշենկոն իր հերթին հաստատել է իր աջակցությունն Էրդողանին և թուրքական կառավարությանը հուլիսի 15-ին երկրում տեղի ունեցած ռազմական հեղաշրջման փորձից հետո:
