Պուտինը զանգահարել է Էրդողանին
Ռուսաստանի նախագահ Վլադիմիր Պուտինը Թուրքիայում իրականացված հեղաշրջման փորձից հետո զանգահարել է իր թուրք գործընկերոջը՝ Ռեջեփ Էրդողանին, հայտնում է korrespondent.net-ը՝ հղում կատարելով ՌԴ նախագահի ադմինիստրացիային:
«Վլադիմիր Պուտինն ընդգծել է Ռուսաստանի սկզբունքային գիծը պետության կյանքում հակասահմանադրական գործողությունների և բռնության անթույլատրելիության մասին»,- ասվում է հայտարարության մեջ:
«Ռեջեփ Էրդողանին փոխանցվել են ցավակցություններ ինչպես խաղաղ քաղաքացիների, այնպես էլ իրավապահ մարմինների ներկայացուցիչների շրջանում բազմաթիվ զոհերի համար, որոնք դիմայակել են դավադիրներին, և Պուտինը ցանկություն է հայտնել, որ Թուրքիայում արագորեն վերականգնվի սահմանադրական կարգն ու կայունությունը»,- նշված է հաղորդագրության մեջ:
Պուտինը նաև հույս է հայտնել, որ Թուրքիան կարող է ապահովել ռուս զբոսաշրջիկների անվտանգությունը:
