Եգիպտոսում կոչ են անում դատարանի առաջ կանգնեցնել Բլեերին և Բուշին
Եգիպտոսի խորհրդարանի արաբական հարցերով հանձնաժողովը ՄԱԿ-ի անվտանգության խորհրդին կոչ է արել դիմել Միջազգային քրեական դատարան` Իրաքում ռազմական հանցագործությունների իրականացման համար պատասխանատվության կանչելու ԱՄՆ և Մեծ Բրիտանիայի ղեկավարներ Ջորջ Բուշին և Թոնի Բլեերին: Գրում է РИА Новости-ն:
«Ինչին հանգեցրել են այդ իրադարձությունները, պահանջում են ՄԱԿ-ի Գլխավոր ասամբլեային և Անվտանգության խորհրդին անհապաղ դիմել Միջազգային քրեական դատարան, Իրաքի դեմ ռազմական ագրեսիայի բոլոր մեղավորներին պատասխանատվության ենթարկելու համար` ԱՄՆ-ի նախակին նախագահ Ջորջ Բուշի և Մեծ Բրիտանիայի նախկին վարչապետ Թոնի Բլեերի գլխավորությամբ»,- ասված է հանձնաժողովի հայտարարության մեջ:
Նրանք նաև միջազգային հանրությանը կոչ են արել հաշվել այն նյութական, տնտեսական ու քաղաքական կորուստները, որ պատճառվել են Իրաքին նրանց դաշնակցային ուժերի ներխուժմանը հաջորդած տարիներին: Նրանց կարծիքով` ԱՄՆ-ն ու Մեծ Բրիտանիան պետք է հատուցեն այդ վնասները:
Մեծ Բրիտանիայում ձևավորված հատուկ հանձնաժողովը հուլիսի 6-ին հրապարակել է հետաքննական արդյունքներ ԱՄՆ-ի և Մեծ Բրիտանիայի կողմից Իրաք ներխուժման գործով:
