Կիմ Չեն Ինը 40 կգ-ով գիրացել է. ԶԼՄ-ներ
Հարավկորեական հետախուզական ծառայությունները հայտնել են, որ Հյուսիսային Կորեայի առաջնորդ Կիմ Չեն Ինը լրջորեն գիրացել է, գրում է The South China Morning Post-ը:
Ընդհանուր առմամբ՝ ինչպես հաշվել են հետախույզները, Կիմ Չեն Ինը 4 տարում 40 կգ-ով գիրացել է: Եթե նա 2012թ. կշռում էր 90 կգ, ապա հիմա արդեն՝ 130 կգ:
Ինչպես ենթադրում են հատուկ ծառայությունների ներկայացուցիչները, պատճառը նրա կողմից սնունդն ու ալկոհոլը չարաշահելն է:
Բացի այդ՝ նա տառապում է անքնությամբ, որը առաջացել է սեփական անվտանգության մասին անհանգստությամբ և շատ է ծխում:
