Ինչպես է Միջերկրական ծովում խորտակվում փախստականներով լի նավը
Իտալիայի ռազմածովային ուժերը նկարահանել են այն պահը, երբ փախստականների տեղափոխող նավը խորտակվում է Միջերկրական ծովում, հայտնում է BBC-ն:
Իտալական նավատորմին հաջողվել է փրկել 562 մարդու: Ամենայն հավանականությամբ, նավը կողաշրջվել է, քանի որ մարդիկ նետվել են դրա մի կողմը՝ տեսնելով փրկարարական նավը: 5 մարդ խեղդված է հայտնաբերվել:
Մարդիկ հուսահատորեն փորձել են մնալ տախտակամածին ու ընկել են ծովը: Իտալական «Բետտիկա» նավի անձնակազմի անդամները նրանց ուղղությամբ նետել են փրկարական ժիլետներ, իսկ մեկ այլ նավ սկսել է մարդկանց տարհանումը:
Վերջին օրերին փրկվել է 6000 ներգաղթյալ, որոնք փորձել են անօրինական կերպով հասնել Իտալիայի ափերը:
