Հանրապետության տարածքում գործում է սևծովյան հերթական ցիկլոնը, որը մեր երկրի տարածքում կլինի մինչև մայիսի 28-ը ներառյալ. Գ. Սուրենյան. shamshyan.com
Հանրապետության տարածքում այսօր գործում է սևծովյան հերթական ցիկլոնը, որը մեր երկրի տարածքում կլինի մինչև մայիսի 28-ը ներառյալ: Բացառությամբ այսօրվա, գրեթե բոլոր օրերին այն ակտիվություն կցուցաբերի հատկապես երեկոյան ժամերին և գիշերվա առաջին կեսին, երբ գրեթե բոլոր մարզերում կլինեն անձրևներ, որոնք կուղեկցվեն ամպրոպներով և քամու ուժգնացմամբ, առանձին հատվածներում հնարավոր է նաև կարկուտ:
Այս մասին SHAMSHYAN.com-ի հետ զրույցում ասաց ՀՀ տարածքային կառավարման և արտակարգ իրավիճակների նախարարության «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը:
Բացառություն կկազմի մայիսի 25-ը, այդ օրը տեղումների հավանականությունը մեծ կլինի միայն հյուսիսային մարզերում, մյուս շրջաններում երեկոյան ժամերին կլինեն ամպրոպներ, սակայն տեղումների հավանականությունը փոքր է:
Վաղվանից սկսած օդի ջերմաստիճանը կրկին կբարձրանա և չնայած անկայուն եղանակին օդի ջերմաստիճանի էական անկումներ չեն կանխատեսվում:
Մանրամասներն՝ այստեղ
