Հայաստանում այսօր մեկնարկում են ՀԱՊԿ հատուկ նշանակության ուժերի «Կոբալտ-2016» զորավարժությունները
Այսօր Հայաստանում կմեկնարկեն Հավաքական անվտանգության պայմանագրի կազմակերպության (ՀԱՊԿ) հատուկ նշանակության ուժերի զորավարժությունները: Դրանցում ներգրավված են կազմակերպության անդամ երկրների ներքին գործերի մարմինների և ոստիկանության ստորաբաժանումները, որոնք ընդգրկված են Օպերատիվ արձագանքման հավաքական ուժերի հատուկ նշանակության ուժերի կազմում, հայտնում է TASS-ը՝ հղում կատարելով ՀՀ ոստիկանությանը:
Զորավարժությունները տեղի կունենան Հայաստանի պաշտպանության նախարարության «Բաղրամյան» ուսումնական կենտրոնում, զորավարժությունների ընթացքին հետևելու է ՀԱՊԿ գլխավոր քարտուղար Նիկոլայ Բորդյուժան:
Հաղորդագրության համաձայն՝ զորավարժություններին մշակվելու են ահաբեկչական խմբերի գործունեությունը խափանող համատեղ օպերացիաներ, զենքի, թմրանյութերի անօրինական շրջանառության ուղիների փակում: Զորավարժություններին ներգրավվելու են ռազմական ու ռազմատրանսպորտային ուղղաթիռներ:
Զորավարժությունների հիմնական նպատակն է ներքին զորքերի հատուկ ստորաբաժանումների զինծառայողների, օպերատիվ խմբերի գործնական հմտությունների կատարելագործումը ու մշակումը:
Զորավարժությունների շրջանակում նախատեսված է նաև ռազմական ու ռազմատրանսպորտային ուղղաթիռների ներգրավում:
Զորավարժություններին կմասնակցեն Բելառուսի, Ղազախստանի, Ղրղըզստանի, Ռուսաստանի, Տաջիկստանի ներքին զորքերի հատուկ ստորաբաժանումները:
