Ադրբեջանն ու Իսրայելը քննարկել են Հարավային Կովկասում տիրող իրավիճակը
Ադրբեջանի փոխարտգործնախարար Արազ Ազիմովը հանդիպել է Իսրայելի Կնեսետի պատգամավոր, խորհրդարանի արտաքին ու պաշտպանական հարցերով հանձնաժողովի նախագահ Ցաչի Խանեգբիի հետ, հայտնում է Jewish Press-ը:
Կողմերը քննարկել են Թել Ավիվի և Բաքվի միջև տնտեսական համագործակցության հարցերը:
Կողմերը համաձայնել են, որ Իսրայելի և Ադրբեջանի միջև համագործակցությունը պետք է ինտենսիվանա միջխորհրդարանական կապերի ու բարձր մակարդակի հանդիպումների միջոցով:
Ադրբեջանի փոխարտգործնախարար բարձր է գնահատել Իսրայել-Ադրբեջան խորհրդարանական բարեկամության խմբի ձեռքբերումները, որը գլխավորում է Ավիգդոր Լիբերմանը:
Հանդիպման ընթացքում քննարկվել է նաև աշխարհաքաղաքական իրավիճակը ինչպես Մերձավոր արևելքի տարածաշրջանում, այնպես էլ Հարավային Կովկասում:
