Կուենկան ցանկանում է իր գոլով զրկել Բարսելոնային չեմպիոնությունից
![](https://168.am/wp-content/uploads/2016/05/70466892.jpg)
«Բարսելոնայի» նախկին կիսապաշտպան Իսաակ Կուենկան, ով ներկայումս հանդես է գալիս «Գրանադայում», խոսել է այն մասին, որ անպայման ուզում է Լա լիգայի վերջին տուրում գրավել նախկին թիմի դարպասը և զրկել նրանց չեմպիոնությունից:
«Ես այդպես էլ չկարողացա հարմարվել «Բարսելոնայում»: Ես վնասվածքներ էի ստանում այն ակումբում, որտեղ չգիտեն, թե ինչ է համբերությունը: Հիանալի կլիներ գրավել «Բարսայի» դարպասը հանդիպման վերջին րոպեներին: Գուցե ընկերներս մեղադրեն ինձ, բայց դա իմ նպատակն է»,- ասել է Կուենկան:
Հաջորդ տուրում միայն հաղթանակը կարող է կատալոնացիներին դարձնել չեմպիոն: Քանի որ նրանք Արքայական ակումբի նկատմամբ ունեն մեկ միավորի առավելություն:
Սիրարփի Աղաբաբյան