Իտալիայում քաղցած մարդկանց թույլատրել են սնունդ գողանալ
Համաձայն Իտալիայի բարձրագույն վճռաբեկ դատարանի վճռի՝ սնունդի գողությունը՝ քաղցը հագեցնելու նպատակով, այլևս այդ երկրում չի հանդիսանում հանցագործություն, գրում է Daily Mail-ը:
Հաղորդվում է, որ համապատասխան որոշումն ընդունվել է ուկրաինացի գործազուրկ Ռոման Օստրյակովի գործի քննության արդյունքում, որը 2011թ. դատապարտվել էր 6 ամսվա ազատազրկման ու 100 եվրոյի տուգանքի Ջենովայի սուպերմարկետներից մեկից կատարած երկու կտոր պանրի ու նրբերշիկի մի տուփի գողանալու համար: Գողոնի ընդհանուր գումարը մոտ 4 եվրո էր կազմել:
Տղամարդը գողության էր դիմել քաղցը հագեցնելու համար, ինչի հետևանքով էլ դա հանցագործություն չէ, վճռել էր դատարանը:
