ԱՄԷ-ում հինգ մարդ է տուժել բնակելի համալիրում բռնկած հրդեհից. Gulf News
Արաբական Միացյալ Էմիրությունների (ԱՄԷ) հյուսիս-արեւելքի Աջմանի եւ Շարջայի Էմիությունների միջեւ ընկած սահմանին գտնվող Ajman One բնակելի համալիրում բռնկված հրդեհից տուժել է հինգ մարդ, այդ թվում հղի կին: Այս մասին հայտնում է Gulf News թերթը:
«Հինգ մարդ աննշան վնասվածքներ է ստացել, նրանց անհապաղ օգնություն է ցույց տրվել տեղում»,- նշում է թերթը: Տուժած հղի կնոջը տեղափոխել են հիվանդանոց, նա հեւոցներ է ունեցել:
ԱՄԷ-ի քաղաքացիական պաշտպանության ծառայության տվյալներով՝ Աջմանի եւ Շարջայի Էմիրությունների սահմանին իրադրությունն ամբողջ գիշեր այրվող Ajman One շենքերի համալիրում գտնվում է հսկողության տակ: Փրկարարների տվյալներով՝ հրդեհը տեղափակված է, եւ դրա հետագա տարածման վտանգ չկա:
