Խորհրդային ռոք. Հրապարակվել են հարյուրավոր արխիվային լուսանկարներ
Ամերիկացի երգչուհի Ջոաննա Սթինգրեյի պաշտոնական կայքում հրապարակվել են հարյուրավոր լուսանկարներ նրա անձնական արխիվից:
Լուսանկարներում կարելի է տեսնել երիտասարդ Վիկտոր Ցոյին, Սերգեյ Կուրեխինին, Ալեքսանդր Բաշլաչովին, Կոնստանտին Կինչևին, Բորիս Գրեբենշչիկովին ու խորհրդային ռոք երաժշտության մյուս վառ ներկայացուցիչներին:
Լուսանկարների մեծ մասն արվել է 1980-ականներին, սակայն որոշ լուսանկարներ թվագրվում են ավելի ուշ ժամանակների:
Ջոաննա Սթինգրեյը բազմիցս այցելել է ԽՍՀՄ ու Ռուսաստան և իր ավանդն է ունեցել խորհրդային և ռոք երաժշտությունն Արևմուտքում տարածելու հարցում:
