ԱՄՆ-ի մի շարք նահանգներում արտակարգ դրություն է հայտարարվել

ԱՄՆ-ում՝ Մեքսիկական ծոցի ափերին, հորդառատ անձրևների հետևանքով արդեն զոհվել է 5 մարդ, հայտնում է NBC News-ը:

Շրջանում մոտ օրերս սպասվում են մինչև 13 սմ տեղումներ: Ջրհեղեղը ողողել է Լուիզիանա, Արկանզաս և Տեխաս նահանգների մեծ մասը:

Հաղորդվում է, որ գետերի ու լճերի վարարումը մշտական սպառնալիք է լինելու հաջորդող մի քանի օրերին, հավանաբար, նաև հաջորդ շաբաթվա ընթացքում:
Ներկայում միայն Լուիզիանա նահանգում ավելի քան 3500 մարդ է տարհանվել:

Տեղի պաշտոնյաների խոսքով՝ Սաբինա գետի մակարդակը կարող է բարձրանալ՝ հասնելով 1884 թվականի ամենաբարձր մակարդակին: Ջրհեղեղը քանդել է նաև Նյու Օռլեանի մերձակայքում մի կամուրջ:

Արտակարգ դրություն է հայտարարվել նաև Միսսիսիպի, Թեննեսի ու Օկլահոմա նահանգներում:

https://www.youtube.com/watch?v=a1OZ4YxvsNc