«Պարոն Գյոզալյան, կանգնեք, մի րոպե կանգնեք». Հովիկ Աբրահամյանը՝ նորանշանակ մարզպետին
ՀՀ կառավարության այսօրվա որոշմամբ Գաբրիել Գյոզալյանը նշանակվեց Արագածոտնի մարզպետ, իսկ Հովսեփ Սիմոնյանը՝ Շիրակի մարզպետ: Որոշման նախագծերը կառավարության նիստի ընթացքում տարածքային կառավարման և զարգացման նախարար Դավիթ Լոքյանը, ով Գաբրիել Գյոզալյանին ներկայացրեց որպես փորձառու, աշխատած քաղաքական գործիչ:
«Պարոն Գյոզալյան, կանգնեք, մի րոպե կանգնեք: Կա՞ն հարցեր պարոն Գյոզալյանի հետ»,- ասաց վարչապետ Հովիկ Աբրահամյանը: Որոշումը հաստատվեց, վարչապետը բեղմնավոր աշխատանք ցանկացավ նրան:
Հովսեփ Սիմոնյանին էլ ներկայացնելով՝ Դավիթ Լոքյանն ասաց, որ նա մարզպետարանում երկարատև աշխատանքային փորձ ունի, «շատ տեղյակ է» Շիրակի մարզի գործընթացներին: Նրան էլ Հովիկ Աբրահամյանն արդյունավետ աշխատանք ցանկացավ:
