ՀՅԴ-ն կունենա երեք նախարար և երկու մարզպետ
Հայ Հեղափոխական Դաշնակցությունը կստանձնի Հայաստանի երկու մարզերի և երեք նախարարությունների ղեկավարումը: ՀՀԿ-ՀՅԴ քաղաքական համագործակցության համաձայնագրի ստորագրումից հետո լրագրողների հետ ճեպազրույցում հայտարարեց ՀՅԴ գերագույն մարմնի ներկայացուցիչ Աղվան Վարդանյանը: «Կստանձնենք Շիրակի և Արագածոտնի մարզերի, ինչպես նաև ՀՀ Էկոնոմիկայի, ՀՀ Տ արածքային կառավարման և ՀՀ Կրթության ու գիտության նախարարությունների ղեկավարումը»,- ասաց նա: Աղվան Վարդանյանի տեղեկացմամբ` Շիրակի մարզպետի պաշտոնը կստանձնի Հովսեփ Սիմոնյանը, Արագածոտնի մարզպետինը` Գագիկ Գյուրզադյանը: «ՀՀ էկոնոմիայի նախարար կդառնա ձեզ քաջածանոթ Արծվիկ Մինասյանը, Տարածքային կառավարման նախարար` Դավիթ Լոքյանը, իսկ Կրթության ու գիտության նախարար` Լևոն Մկրտչյանը»,- ասաց նա:
