Գարեգին Բ-ն՝ HSBC բանկում իր անունով առկա հաշվեհամարի մասին
«Համամիտ չենք այն գնահատականին, որ առաջնորդները ցոփ ու շվայտ կյանքով են ապրում»,- այս մասին այսօր «Եռաբլուր» զինվորական պանթեոնում լրագրողների հետ զրույցում ասաց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը: Նա նշեց, որ կարծում են՝ դա ավելի շատ շահարկվում է, քան իրականության հետ որևէ առնչություն ունի:
Անդրադառնալով HSBC բանկում իր անունով առկա հաշվեհամարի մասին հարցին, Գարեգին Բ-ն ասաց. «HSBC բանկում եղել է մի գումար, որը նվիրատվություն է եղել բարերարի կողմից երջանկահիշատակ մեր նախորդին: Նախորդի վախճանումից հետո այդ հաշիվը փոխարկվել է մեր անվամբ»:
