Ստամբուլի պայթյունի վայրում քաշքշուկ է տեղի ունեցել
Ստամբուլի կենտրոնական հրապարակում, որտեղ նախօրեին մահապարտ ահաբեկիչը խլել է 10 մարդու կյանք, կռիվ է տեղի ունեցել սառը զենքի կիրառմամբ:
Ինչպես հաղորդում է LifeNews-ի թղթակիցը դեպքի վայրից, անհայտ անձինք սկսել են սադրանքի ենթարկել ոչ մեծ պիկետի մասնակիցներին, որոնք ծաղիկներ էին բերել հրապարակ, ապա կանգնել ահաբեկչության դեմ պայքարի անհրաժեշտությունը փաստող պաստառներով:
Քաշքշուկի ժամանակ, որին ներկա են եղել նաև բազմաթիվ լրագրողներ, մասնակիցներից մեկը հանել է դանակը, սակայն իրավապահները ժամանակին հասցրել են նրան խանգարել, ինչից հետո հարձակվողը ձերբակալվել է:
