Գվարդիոլան խոստացել է իր ապագայի մասին հարցին պատասխանել հաջորդ շաբաթ
«Բավարիայի» գլխավոր մարզիչ Պեպ Գվարդիոլան Գերմանիայի գավաթի 1/8 եզրափակչի տնային խաղում «Դարմշտադի» նկատմամբ տարած հաղթանակից հետո (1:0) հրաժարվել է պատասխանել իր ապագայի մասին հարցին: Իսպանացու գործող պայմանագրի ժամկետը Գերմանիայի չեմպիոնների հետ լրանում է մրցաշրջանի ավարտից հետո:
«Այսօր ես պատասխան չունեմ: Որոշում ես կկայացնեմ հաջորդ շաբաթ: Հաջորդ շաբաթ պարզություն կլինի»,- ասել է Գվարդիոլան ARD-ի եթերում:
44-ամյա մասնագետի նկատմամբ գլխավոր հավակնորդներից մեկը «Մանչեսթեր Սիթին» է, որը հիմա գլխավորում է Մանուել Պելլեգրինին:
Պատրաստեց Անի Գաբուզյանը
