Գյումրիում Ավետիսյանների սպանության գործը մեղադրական եզրակացությամբ ուղարկվել է դատախազին
Գյումրիում հունվարի 12-ին Ավետիսյանների ընտանիքի սպանության գործը նախաքննական մարմինը մեղադրական եզրակացությամբ ուղարկել է դատախազին: Այս մասին 168.am-ին հայտնեցին ՀՀ գլխավոր դատախազությունից՝ նշելով, որ 5-օրյա ժամկետում դատախազը համապատասխան որոշում կկայացնի:
Նշենք, որ քրեական գործի շրջանակներում մեղադրանք է առաջադրվել Գյումրիում տեղակայված 102-րդ ռազմաբազայի զինծառայող Վալերի Պերմյակովին: Նախաքննության ավարտին նրան մեղադրանք է առաջադրվել նաև ՀՀ պետական սահմանն ապօրինի հատելու փորձ կատարելու և ավազակության համար:
