Զիդանը չի ցանկանում փոխարինել Բենիտեսին
«Ռեալ Մադրիդ Կաստիլյայի» գլխավոր մարզիչ, լեգենդար ֆուտբոլիստ Զինեդին Զիդանը մտադրություն չունի փոխարինելու Մադրիդի «Ռեալի» հիմնական թիմի գլխավոր մարզիչ Ռաֆայել Բենիտեսին վերջինիս պաշտոնանկության դեպքում:
Զիդանը նշել է, որ պահեստային տարբերակ լինելն իր համար չէ:
Բենիտեսի պաշտոնանկության մասին լուրերը տարածվեցին ոչ միայն մադրիդցիների ցուցադրած անատամ խաղով, այլև, ինչպես նշում է իսպանական մամուլը, Ռաֆայել Բենիտեսի և Կրիշտիանու Ռոնալդուի լարված հարաբերություններով:
Ինչպես արդեն տեղեկացրել ենք, մամուլի համար հասանելի են դարձել պորտուգալացու խոսքերը, որոնք նա ասել է ակումբի նախագահ Ֆլորենտին Պերեսին: Ռոնալդուն ասել է, որ Բենիտեսի հետ «Ռեալ Մադրիդը» ոչինչ չի հաղթի:
Սիրարփի Աղաբաբյան
