Լուսանկարներ՝ Սարատով-Երշով ավտոճանապարհին հայերի մասնակցությամբ մահացու վթարից
chpsaratov.ru կայքը լուսանկարներ է հրապարակել երեկ ՌԴ Սարատով-Երշով ավտոճանապարհին տեղի ունեցած ճանապարհատրանսպորտային պատահարից:
Հիշեցնենք, որ Ստեպնոյե բնակավայրի մոտակայքում տեղի էր ունեցել ՃՏՊ: Միմյանց էին բախվել են «ՎԱԶ-21010» մակնիշի և «ՎԱԶ-2101» մակնիշի ավտոմեքենաները, որի հետևանքով 1965թ. ծնված Ֆրիդա Սուրենի Ստեփանյանը մահացել է:
Տուժել էր ևս 4 մարդ: Նրանցից երկուսին ավտոմեքենայից դուրս էին բերել հատուկ սարքերի օգնությամբ:
Պատահարի հետևանքով տուժածներ` 1975թ. ծնված Կարապետ Սիսակի Ամբարդանյանը, 1954թ. ծնված Հասմիկ Վազգենի Ամբարդանյանը և 1954թ. ծնված Վարդիթեր Պետրոսի Պալյանը հոսպիտալացվել են Սարատով քաղաքի ԲԿ, որտեղ Հասմիկ Ամբարդանյանը, ստանալով բուժօգնություն, դուրս է գրվել:
Կարապետ Ամբարդանյանի և Վարդիթեր Պալյանի առողջական վիճակը բժիշկները գնահատել են միջին ծանրության:
