Երևանյան բնակարանագողին հայտնաբերեցին Արմավիրում
Մայիսի 20-ին ոստիկանության Շենգավիթի բաժնում հաղորդում էր ստացվել, որ Հովհաննես Բ.-ի տնից գողություն է կատարվել:
Պարզվել էր, որ ժամը 08.30-ից 19.00-ն ընկած ժամանակահատվածում անհայտ եղանակով մուտք էին գործել բնակարան և գողացել սննդամթերք, պլանշետ և թվային ֆոտոապարատ:
Ձեռնարկված միջոցառումների շնորհիվ պարզվել է, որ գողությունը կատարել է 1973 թ. ծնված Հայրապետ Մ.-ն, որը մայիսի 26-ին, ժամը 15.05-ին, Արմավիր քաղաքի Չարենցի փողոցից բերման է ենթարկվել ոստիկանության Շենգավիթի բաժին և տվել խոստովանական ցուցմունք:
Գողոնն առգրավվել է:
Կատարվում է քննություն:
