Կասպիցի իրավական կարգավիճակի մասին կոնվենցիան կարող է ընդունվել 2016 թվականին
Ռուսական ТАСС լրատվական գործակալության փոխանցմամբ` Կասպյան հինգ երկրների հաջորդ գագաթաժողովը տեղի է ունենալու Ղազախստանում և մինչ այդ կարող է պատրաստվել ամփոփիչ փաստաթղթերի փաթեթը, որը կհամալրի մեխանիզմների իրավական բազան:
Այս մասին հայտարարել է Ռուսաստանի փոխարտգործնախարար Գրիգորի Կարասինը, ով մասնակցել է Կասպյան երկրների դեսպանների խորհրդաժողովին:
Կարասինը հիշեցրել է, որ Ղազախստանի նախագահ Նուրսուլթան Նազարբաևն առաջարկել է Կոնվենցիայի նախագիծը համաձայնեցնել մինչև Կասպյան հինգերորդ գագաթաժողով, որը տեղի է ունենալու 2016 թվականին:
Կարասինն ընդգծել է, որ իրենք ամբողջովին համաձայն են դրա հետ և տրամադրված են առավելագույն արդյունք ապահովելուն:
