Ճապոնիայի վարչապետն ամռան սկզբին կայցելի Ուկրաինա
Ռուսական ТАСС լրատվական գործակալության փոխանցմամբ` Ճապոնիայի վարչապետ Սինձո Աբեն 2015 թվականի հունիսին պատրաստվում է այցելել Ուկրաինա և հանդիպել Ուկրաինայի նախագահ Պյոտր Պորոշենկոյի հետ;
Հաղորդվում է, որ Ճապոնիայի վարչապետը մտադիր է Ուկրաինա այցելել Գերմանիա մեկնելու ճանապարհին, ուր հունիսի սկզբին տեղի է ունենալու G7-ի հաջորդ գագաթաժողովը: Ճապոնիայի իշխանությունները մշակում են այցի մանրամասները:
Աբեն պատրաստվում է հաստատել Ճապոնիայի պատրաստակամությունը` կապված Ուկրաինային տնտեսական ու հումանիտար օգնություն ցուցաբերելու հետ, ինչպես Դոնբասում իրավիճակի խաղաղ կարգավորմանն օգնելու հետ:
Ավելի վաղ հայտարարվել էր, որ Ճապոնիան Ուկրաինային կհատկացնի 1.8 միլիարդ դոլարի ֆինանսական օգնություն:
