Դևիդ Քեմերոնը կրկնակի հաղթանակ է նշում
Բրիտանական Reuters լրատվական գործակալության փոխանցմամբ՝ Մեծ Բրիտանիայի վարչապետ Դևիդ Քեմերոնը Օքսֆորդշիր կոմսության Ուիթնի քաղաքում ընտրությունների արդյունքներով պահպանել է իր տեղը Մեծ Բրիտանիայի խորհրդարանում:
Պահպանողականների առաջնորդն այսօր նշում է կրկնակի հաղթանակ: exit poll-ի տվյալներով՝ Պահպանողական կուսակցությունը դառնալու է խոշորագույնը խորհրդարանում և նրան չի բավականացնելու է միայն 10 մանդատ՝ «աշխատանքային մեծամասնության» հասնելու համար, որը թույլ կտա կայացնել առանցքային որոշումներ:
Պահպանողականները կարող են 650 տեղանոց Համայնքների պալատում ստանալ 316 մանդատ, մինչդեռ հիմնական ընդդիմադիր ուժ Էդ Միլբենդի Լեյբորիստական կուսակցությունը կարող է հույսեր կապել 239 մանդատի հետ:
Շոտլանդական ազգային կուսակցությունը հարցման համաձայն կստանա 58 մանդատ, լիբերալ-դեմոկրատները՝ 10 մանդատ, իսկ Միացյալ Թագավորության Անկախության կուսակցությունը՝ միայն 2 մանդատ:
Քեմերոնը հայտարարել է, որ հուսով է կառավարություն ձևավորել առաջիկա օրերին: Մեծ Բրիտանիայում խորհրդարանական ընտրություններն անցկացվել են երեկ:
