Թրամփը քննադատել է Բուշին, Օբամային և Բայդենին
ԱՄՆ նախագահ Դոնալդ Թրամփը քննադատել է ամերիկացի բոլոր նախորդ առաջնորդներին, այդ թվում՝ Ջորջ Բուշին, Բարաք Օբամային և Ջո Բայդենին, որոնք չեն կարողացել ստիպել ՆԱՏՕ-ի անդամներին մեծացնել իրենց ռազմական ծախսերը, և անմիջապես գովաբանել է դաշինքի գլխավոր քարտուղար Մարկ Ռյուտեին՝ նրա շողոքորթության համար։ Այսպիսի երկխոսություն տեղի է ունեցել Ռյուտեի և Թրամփի հանդիպման ժամանակ՝ Անկարայում ՆԱՏՕ-ի գագաթնաժողովի միակ աշխատանքային նստաշրջանից առաջ։
«ՆԱՏՕ-ի երկրները հանգիստ օգտվում էին ԱՄՆ-ից։ Եթե Բայդենն ավելի շատ խելք ունենար, կասեր նրանց՝ ավելի շատ վճարել։ Բայց նա դա չարեց։ Ինչպես նաև Օբաման, սա պետք է տեղի ունենար շատ տարիներ առաջ, բայց Օբաման դա չարեց, Բայդենը դա չարեց, և, անկեղծ ասած, Բուշն էլ դա չարեց»,- հայտարարել է Թրամփը։
Այդ պահին նրա խոսքին միջամտել է Ռյուտեն՝ ասելով. «Բայց հիմա հենց ձեր շնորհիվ դա տեղի ունեցավ։ Դուք արեցիք այն, ինչ [Դուայթ] Էյզենհաուերը (ԱՄՆ նախագահը 1953-1961 թվականներին) փորձում էր անել՝ հավասարեցնել Եվրոպայի և ԱՄՆ-ի ռազմական ծախսերը։ ԱՄՆ նախագահներից ոչ մեկին չէր հաջողվել հասնել այս հաջողությանը, դուք դարձաք առաջինը»,- ասել է Ռյուտեն։ «Հենց դրա համար էլ ես նրան սիրում եմ»,- անմիջապես արձագանքել է Թրամփը։
