ԻՀՊԿ-ն հարվածել է ԱՄՆ ավիաբազային՝ ի պատասխան Բենդար Աբբասի մերձակայքում իրականացված հարձակման. Tasnim
Իրանի Իսլամական հեղափոխության պահապանների կորպուսը (ԻՀՊԿ) ԱՄՆ-ի կողմից Բենդար Աբբասի օդանավակայանի ծայրամասում գտնվող օբյեկտին հասցված հարվածներին ի պատասխան հարձակում է իրականացրել ամերիկյան ռազմական բազայի վրա։ Համապատասխան հայտարարությամբ կորպուսը հանդես է եկել մայիսի 28-ին։
«Այս պատասխանը լուրջ նախազգուշացում է, որպեսզի թշնամին իմանա, որ հարձակումը անպատասխան չի մնա, և եթե այն կրկնվի, մեր պատասխանը կլինի ավելի վճռական», — հայտարարության հատվածն է մեջբերում Tasnim գործակալությունը իր Telegram-ալիքում։
Ինչպես նշել են ԻՀՊԿ-ում, հետևանքների պատասխանատվությունը կրում են ԱՄՆ-ը։
Reuters գործակալությունը մեկ օր առաջ հայտնել էր, որ ԱՄՆ-ը հարվածներ է հասցրել չանվանված իրանական ռազմական օբյեկտի։ Ամերիկացի զինվորականները նաև որսացել և խոցել են մի քանի իրանական անօդաչու թռչող սարքեր, որոնք նմանատիպ սպառնալիք էին ներկայացնում։
Ավելի ուշ Axios պորտալի լրագրող Բարակ Ռավիդը հայտարարել է, որ ԱՄՆ-ը ոչնչացրել է Իրանի կողմից իբր արձակված չորս անօդաչու թռչող սարք (ԱԹՍ)։ Նշվում է, որ, պաշտոնյայի խոսքով, ամերիկացի զինվորականները նաև գետնից հարձակվել են իրանական անօդաչուների արձակման համալիրի վրա։
