Բրունու Ֆերնանդեշը մոտ է պատմական ռեկորդի սահմանմանը
«Մանչեսթեր Յունայթեդի» ավագ Բրունու Ֆերնանդեշը Պրեմիեր լիգայի 29-րդ տուրի «Նյուքասլ Յունայթեդի» դեմ խաղում (1:2) գոլային փոխանցման հեղինակ է դարձել և այս ցուցանիշով մտել է ակումբի պատմության մեջ։
Opta Sports Telegram ալիքի տվյալներով՝ այս գոլային փոխանցումը պորտուգալացու 14-րդն էր Պրեմիեր լիգայի ընթացիկ մրցաշրջանում։ Միայն Դեյվիդ Բեքհեմն է ավելի շատ գոլային փոխանցում կատարել Պրեմիեր լիգայի մեկ մրցաշրջանում։ Նա 1999/2000 մրցաշրջանում «Կարմիր սատանաների» կազմում կատարել է 15 գոլային փոխանցում։
Պորտուգալացին այս մրցաշրջանում բոլոր մրցաշարերում անցկացրել է 28 խաղ, խփել յոթ գոլ և կատարել 15 գոլային փոխանցում։ Նրա ներկայիս պայմանագիրը ակումբի հետ նախատեսված է մինչև 2027 թվականի ամառը։ Transfermarkt-ի տեղեկատվության համաձայն՝ նրա շուկայական արժեքը կազմում է 40 միլիոն եվրո։
