Ուկրաինական բանակը կազմաքանդվում է. պատերազմը Ուկրաինայում ավարտվում է. գնդապետ Դուգլաս Մաքգրեգոր

Վերջին երեքուկես տարվա ընթացքում Արևմուտքում ձևավորված «ստի կայսրությունը», որը կառուցվել էր Ուկրաինայի հաշվին Ռուսաստանի դեմ վարվող անիմաստ և ավերիչ պատերազմը արդարացնելու նպատակով, սկսում է քանդվել, քանի որ Ռուսաստանն իրականում հետաքրքրված չէ Արևմուտքի դեմ պատերազմով։

Նորվեգացի քաղաքագետ, Հարավարևելյան Նորվեգիայի համալսարանի քաղաքագիտության պրոֆեսոր Գլեն Դիզենի հետ հարցազրույցում այսպիսի կարծիք է հայտնել ԱՄՆ պաշտպանության նախարարի նախկին ավագ խորհրդական, հայտնել ԱՄՆ բանակի պահեստազորի գնդապետ, քաղաքական մեկնաբան և վերլուծաբան Դուգլաս Մաքգրեգորը՝ խոսելով Ուկրաինայում շարունակվող պատերազմի և Ռուսաստանին զսպելու արևմտյան քաղաքականության մասին։

Գնդապետի կարծիքով՝ «Ռուսաստանին զսպելու» շուրջ բանավեճն անհեթեթ է։

«Ստի կայսրությունը, որը կառուցել էր Արևմուտքը վերջին երեքուկես տարիներին՝ Ուկրաինայի հաշվին Ռուսաստանի դեմ վարվող անիմաստ և ավերիչ պատերազմը արդարացնելու նպատակով, սկսում է քանդվել։

Կարծում եմ, որ մոտ ապագայում այն սկսելու է քանդվել ավելի ու ավելի արագ, քանի որ իրավիճակն Ուկրաինայում հասել է մի կետի, երբ նույնիսկ ամենափորձառու ստախոսները Վաշինգտոնում, Լոնդոնում, Փարիզում կամ Բեռլինում չեն կարողանում թաքցնել ճշմարտությունը հանրությունից։ Ուկրաինական բանակը կազմաքանդվում է, այն փլուզվում է, ավագ սպաները հանձնվում են իրենց հազարավոր զինվորների հետ միասին։

Այժմ, ինչպես ինձ հաղորդեցին, բացահայտորեն քննարկվում է Կիևի վրա հարձակվելու և այն բանի հնարավորությունը, որ ուկրաինական զորքերը փաստացի շարժվեն քաղաքի վրա՝ Զելենսկուց և իր կոռումպացված կառավարությունից ազատվելու համար։

Ուստի վստահ չեմ, որ դեռևս իրատեսական կամ արդիական է այդ ֆանտաստիկ գաղափարներից որևէ մեկը՝ խաղաղության հասնելու Վաշինգտոնի մշակած և եվրոպացիների հետ համաձայնեցված ինչ-որ համաձայնագրի միջոցով, և ես կարծում եմ՝ իրադարձություններն ավելի արագ են զարգանում, քան Արևմուտքը կարողանում է հասնել դրանց հետևից», – ասել է Դուգլաս Մաքգրեգորը։

Ծոցի պատերազմի վետերան գնդապետը կարծում է, որ այս պարագայում ամենախելացի լուծումը ՆԱՏՕ-Ռուսաստան հարաբերությունների ամենասկզբին վերադառնալն է, որն էր 1955թ. մայիսի 15-ին Ֆրանսիայի, Մեծ Բրիտանիայի, Միացյալ Նահանգների, Խորհրդային Միության և Ավստրիայի կառավարության միջև Ավստրիայի Ավստրիայի պետական պայմանագրի (կամ՝ «Ավստրիայի անկախության հռչակագիր», անգլերեն՝ Austrian State Treaty) ստորագրումը։

«Ավստրիայի պետական պայմանագիրը չէր անհանգստանում ինչ-որ բան կամ ինչ-որ մեկին զսպելու մասին։ Այն հանդիսավոր պարտավորություն էր խզելու հարաբերությունները ՆԱՏՕ-ի հետ, որպեսզի կանխվի ցանկացած օտարերկրյա ուժերի տեղակայումը Ավստրիայի տարածքում և պահպանել ուժեր, որոնք անհրաժեշտ են Ավստրիայի անվտանգության և ներքին կայունության համար, և ոչ ավելին։

Դա շատ լավ աշխատեց, և ես չեմ կարծում, թե Խորհրդային Միությունը հետաքրքրված էր հետագայում Ավստրիա վերադառնալով։ Անկեղծ ասած՝ ես կարծում եմ, որ ինչ-որ պահի մենք կվերադառնանք և կվերանայենք 1950-ական թվականների պայմանները, և մարդիկ, հնարավոր է, կվերաիմաստավորեն շատ որոշումներ՝ ընդունված այն ժամանակ, որոնք կարող էին փրկել Գերմանիան տասնամյակներ տևած տրոհմանը։

Բայց ես ուզում եմ ասել, որ այս պատերազմը Ուկրաինայում ավարտվում է, ամեն ինչ քանդվում է, Արևմուտքում արմատացած խաբեության ամբողջ այդ ցանցը վերանում է, բոլոր այն քաղաքական գործիչները, որոնք շռայլ ֆինանսական պարգևատրումներ էին ստանում այն պատրանքն առաջ մղելու համար, որ Ուկրաինայում պատերազմ է մղվում ագրեսիվ և վտանգավոր Ռուսաստանի հետ, հօդս է ցնդում, քանի որ Ռուսաստանը հետաքրքրված չէ մեզ հետ պատերազմով», – հավելել է գնդապետը։

ԱՄՆ նախագահ Դոնալդ Թրամփը 28 կետանոց խաղաղության ծրագիր էր ներկայացրել Ուկրաինայի վերաբերյալ, որը քննարկվել էր Միացյալ Նահանգների, Ուկրաինայի, Ռուսաստանի և եվրոպական առաջատար պետությունների ներկայացուցչների կողմից Ժնևում և Աբու Դաբիում տեղի ունեցած բանակցությունների ընթացքում։ Սպիտակ տունը հայտարարել էր, որ նոյեմբերի 23-ին Միացյալ Նահանգների և Ուկրաինայի ներկայացուցիչները քննարկել են խաղաղության ամերիկյան առաջարկը և վերահաստատել են, որ ապագա ցանկացած համաձայնագիր պետք է ամբողջությամբ երաշխավորի Ուկրաինայի ինքնիշխանությունը և ապահովի կայուն և արդար խաղաղություն։ Քննարկումների արդյունքում կողմերը մշակել էին Թրամփի խաղաղության նախագծի թարմացված և կատարելագործված տարբերակը։ Նշվում էր, որ վերջնական որոշումն այս համաձայնագրի վերաբերյալ կայացնելու են Ուկրաինայի և Միացյալ Նահանգներին նախագահները։