Սաակաշվիլին անսպասելի խնդրանքով դիմել է Զելենսկուն
Վրաստանի նախկին նախագահ Միխեիլ Սաակաշվիլին Facebook-ի իր գրառման մեջ խնդրել է Վլադիմիր Զելենսկիին իրեն ներառել քաղաքացիական ռազմագերիների ցուցակում։
«Խնդրում եմ ինձ՝ որպես Օդեսայի մարզային պետական վարչակազմի նախկին ղեկավարի և որպես Ազգային բարեփոխումների խորհրդի գործադիր կոմիտեի նախագահ, ներառել քաղաքացիական ռազմագերիների ցուցակում՝ համապատասխան իրավական հետևանքներով», – գրել է նա։
Վրաստանի նախկին նախագահը ստացել էր Ուկրաինայի քաղաքացիություն և զբաղեցնում էր Օդեսայի վարչակազմի ղեկավարի պաշտոնը, սակայն ավելի ուշ նրան զրկեցին անձնագրից։ 2019 թվականին, Զելենսկու իշխանության գալու հետ մեկտեղ, որոշումը չեղյալ հայտարարվեց։
