#ՀԻՄԱ. ՀՀ ԵՐՐՈՐԴ ՆԱԽԱԳԱՀ ՍԵՐԺ ՍԱՐԳՍՅԱՆԻ ԳՈՐԾՈՎ ԴԱՏԱԿԱՆ ՆԻՍՏԸ. #ՈՒՂԻՂ
Այսօր Հակակոռուպցիոն դատարանում՝ դատավոր Արամ Գրիգորյանի նախագահությամբ, մեկնարկում է ՀՀ 3-րդ նախագահ, Հայաստանի Հանրապետական կուսակցության (ՀՀԿ) Սերժ Սարգսյանի նկատմամբ այսպես կոչված «Իսակովի հողերի» գործով դատաքննությունը:
Սերժ Սարգսյանի վերաբերյալ 2 գործերը միավորվել են, քանի որ երկուսն էլ գտնվում են միևնույն դատավորի վարույթում:
Նախորդ դատական նիստում Սերժ Սարգսյանի պաշտպանական կողմը դիրքորոշում հայտնեց հանրային մեղադրողների կողմից նախորդ նիստում Սերժ Սարգսյանին ներկայացված գույքային հայցի վերաբերյալ:
Հիշեցնենք՝ հանրային մեղադրողները Սերժ Սարգսյանի, Վալերի Գրիգորյանի և Ալեքսան Ալեքսանյանի նկատմամբ համապարտությամբ գույքային հայց ներկայացրեցին: Հայցը կարդաց դատախազ Գորիկ Հովակիմյանը: Նա իր ծավալուն ելույթի վերջում ներկայացրեց գույքային հայցի առարկան՝ համապատասխանաբար 3 միլիարդ 337 մլն 557 000, 76 մլն. 852 000 657 և 526 մլն 520 000 դրամ գումար:
Դատավոր Արամ Գրիգորյանը, լսելով կողմերին, որոշեց գույքային հարցն ընդունել վարույթ, գույքային հայցը վերադարձնելու մասին Ամրամ Մակինյանի միջնորդությունը մերժել, Սերժ Սարգսյանին, Վալերի Գրիգորյանին և Ալեքսան Ալեքսանյանին ճանաչել պատասխանող, վերջիններիս գույքն արգելադրել համապատասխան գումարի չափով:
«Դատարանը գույքային հայցը վարույթ է ընդունում, բայց դա չի նշանակում, որ այն ամբողջությամբ պետք է կատարվի»,-ասաց դատավորը:
Այսօրվա դատական նիստը մեկնարկեց գույքային հայցի վերաբերյալ ապացույցների ծավալի հետազոտմանը:
Հանրային մեղադրողները ներկայացրեցին գույքային հայցի վերաբերելի գրավոր ապացույցները: Ավարտին հանրային մեղադրող Գորիկ Հովակիմյանն ասաց, որ ցուցակում եղած անձինքն պետք է հրավիրվեն ու հարցաքննվեն դատարանում: Այդ մարդկանց թվում էին ՀՀ 2-րդ նախագահ Ռոբերտ Քոչարյանը, Վաչագան Ղազարյանը, այլք:
Ապացույցների ծավալի մյուս չափաբաժինը ներկայացրեց նմյուս հանրային մեղադրողը՝ Հայկ Հովհաննիսյանը:
Հաջորդիվ դիրքորոշում ներկայացրեցին Սերժ Սարգսյանի պաշտպանները, և դատական նիստն ավարտվեց:
Հիշեցնենք, որ «Իսակովի պողոտային և «Եռաբլուր» զինվորական պանթեոնին հարակից հողատարածքների ապօրինի օտարման դեպքերի վերաբերյալ նախաձեռնված քրեական վարույթով Սերժ Սարգսյանին մեղադրանք է ներկայացվել 18 դրվագ առանձնապես խոշոր չափերով գույք հափշտակելու, 2 դրվագ պաշտոնական դիրքն օգտագործելով հանցավոր ճանապարհով ստացված՝ առանձնապես խոշոր չափերով գույք օրինականացնելու (փողերի լվացում) և 3 դրվագ՝ առանձնապես խոշոր չափերով փողերի լվացմանն օժանդակելու համար: Սարգսյանի նկատմամբ որպես խափանման միջոց է ընտրվել բացակայելու արգելքը»,- հայտնել էին ՀՀ դատախազությունից:
Նշենք, որ ամիսներ առաջ 4 տարվա դատավարությունից հետո Սերժ Սարգսյանն արդարացվեց մեկ այլ շինծու գործով, որը ստացել էր «Դիզելի գործ» անվանումը:
Մանրամասները՝ տեսանյութում:
