ԱՄՆ Սենատը 11-րդ անգամ մերժել է կառավարության ֆինանսավորման մասին օրինագիծը
ԱՄՆ Կոնգրեսի Սենատը վերջին շաբաթների ընթացքում արդեն 11-րդ անգամ մերժել է հանրապետականների կողմից առաջարկված օրինագիծն՝ ուղղված դաշնային կառավարության աշխատանքի ֆինանսավորմանը, որն այժմ մասամբ դադարեցված է։ Այս մասին հաղորդում է The Hill-ը։
Քվեարկության ընթացքում հանրապետականների կողմից մշակված և ավելի վաղ Ներկայացուցիչների պալատի կողմից հաստատված փաստաթղթին հավանություն է տվել Կոնգրեսի վերին պալատի 50 անդամ, դեմ է արտահատվել 43-ը։ Օրինագծի հաստատման համար պահանջվում է սենատորների 60 ձայն։
ԱՄՆ նախագահ Դոնալդ Թրամփն հոկտեմբերի 20-ին ավելի վաղ վստահություն էր հայտնել, որ Կոնգրեսի դեմոկրատները շուտով հավանություն կտան փաստաթղթին։ Կառավարության ֆինանսավորումը շարունակելու մասին՝ դեմոկրատների կողմից ներկայացված օրինագիծը Սենատը նախկինում նույնպես մերժել է առնվազն յոթ անգամ։
Հոկտեմբերի 7-ին Թրամփը հայտարարել էր, որ վարչակազմը կառավարության աշխատանքի մասնակի դադարեցման՝ շաթդաունի պատճառով կարող է կատարել ԱՄՆ գերատեսչությունների աշխատակիցների զգալի կրճատումներ և արձակումներ և դադարեցնել պետական ծրագրերի մի մասը:
