ԱՄՆ-ի և Ուկրաինայի պատվիրակությունները հանդիպել են Էր-Ռիադում՝ քննարկելու հրադադարի մանրամասները
ԱՄՆ-ի և Ուկրաինայի պատվիրակությունները Սաուդյան Արաբիայի մայրաքաղաքում սկսել են քննարկել Ուկրաինայում հրադադարի ռեժիմի մանրամասները։ Այս մասին հայտնել է Ուկրաինայի պաշտպանության նախարար Ռուստեմ Ումերովը, ով Կիևի պատվիրակության կազմում է։
«Մենք սկսել ենք հանդիպում ամերիկյան թիմի հետ Էր Ռիադում։ Օրակարգում առաջարկներ են էներգետիկ օբյեկտների և կարևոր ենթակառուցվածքների պաշտպանության վերաբերյալ: Այսօր մենք լուծում ենք մի շարք բարդ տեխնիկական հարցեր. մեր պատվիրակության կազմում են էներգետիկ փորձագետներ, ինչպես նաև ռազմածովային և օդային ուժերի ներկայացուցիչներ»,- գրել է նա X-ի իր էջում։
