Գյումրիում ընտրություններին մասնակցելու հայտ է ներկայացրել 6 կուսակցություն և 3 դաշինք

Այսօր ավարտվել է մարտի 30-ին կայանալիք Գյումրի և Փարաքար համայնքների ավագանու արտահերթ ընտրությունների առաջադրման գործընթացը։ Այս հայտնում են Կենտրոնական ընտրական հանձնաժողովից։

Գյումրի համայնքում առաջադրվել են.

«Հայաստանի կոմունիստական կուսակցություն» (Վարդան Ղուկասյան)
«Իմ հզոր համայնք» կուսակցություն (Ռուբեն Մխիթարյան)
Հայաստանի աշխատավորական սոցիալիստական կուսակցություն (Արտյոմ Թումանյան)
«Ապրելու երկիր» կուսակցություն (Կարեն Մալխասյան)
«Մեր քաղաքը» դաշինք, կազմում՝ «Միացյալ Հայաստան» և «Հայրենիք» կուսակցությունները (Մարտուն Գրիգորյան)
«Դեմոկրատական այլընտրանք» կուսակցություն (Արտյոմ Ղարաղազարյան)
«Քաղաքացիական պայմանագիր» կուսակցություն (Սարիկ Մինասյան)
«Մայր Հայաստան» կուսակցությունների դաշինք, կազմում՝ «Ինտելեկտուալ Հայաստան», «Իմ պայքար, իմ հայրենիք» կուսակցությունները (Կարեն Սիմոնյան)
«Եվրադաշինք», կազմում՝ «Հայաստանի եվրոպական կուսակցությունը», «Հանրապետություն», «Հանուն հանրապետության ժողովրդավարության պաշտպանների դաշինք» կուսակցությունները (Լևոն Բարսեղյան)

Փարաքար համայնքում առաջադրվել են.

«Միասնություն» կուսակցությունների դաշինք, կազմում՝ «Ապրելու երկիր» և «Հաղթանակ» կուսակցությունները (Վալոդյա Գրիգորյան)
«Քաղաքացիական պայմանագիր» կուսակցություն (Լյուդվիդ Գյուլնազարյան)
«Ազգային առաջընթաց» կուսակցություն (Դավիթ Մինասյան)
«Կայունություն» կուսակցություն (Գոռ Սարիբեկյան)

Առաջադրված կուսակցությունների, կուսակցությունների դաշինքների գրանցման վերջնաժամկետը մարտի 10-ն է։

Նախընտրական քարոզչության ժամանահատվածն է մարտի 15-ից մարտի 28-ը, մինչև 24։00-ն։ Քվեարկության նախորդ օրը և քվեարկության օրը նախընտրական քարոզչություն իրականացնելն արգելված է։