Հանրապետությունում առանձին շրջաններում սպասվում է ձյուն

Հանրապետության տարածքում հունվարի 19-ի գիշերը, 20-ի ցերեկը, 21-23-ին սպասվում է առանց տեղումների եղանակ։ Հունվարի 19-ի երեկոյան ժամերին, 20-ի գիշերն առանձին շրջաններում սպասվում է ձյուն։

Այս մասին հայտնել են Հիդրոօդերևութաբանության և մոնիթորինգի կենտրոնից։

Քամին հյուսիսարևմտյան՝ 2-5 մ/վ։ Հունվարի 18-20-ին առանձին վայրերում սպասվում է քամու ուժգնացում 15-18 մ/վրկ։ Օդի ջերմաստիճանն էապես չի փոխվի։

Երևան քաղաքում հունվարի 20-ի ցերեկը, 21-23-ին սպասվում է առանց տեղումների եղանակ: Հունվարի 19-ի երեկոյան ժամերին, 20-ի գիշերը սպասվում է թույլ ձյուն։