Միխայիլ Բոյարսկին շտապ հոսպիտալացվել է
Ռուս հայտնի դերասան Միխայիլ Բոյարսկին, ով անցած տարեվերջին նշել է ծննդյան 75-ամյակը, հոսպիտալացվել է Սանկտ Պետերբուրգում։
Ինչպես հայտնում է SHOT Telegram-ի ալիքը, դերասանին տեղափոխել են Մարիինյան հիվանդանոց։ Նա այժմ գտնվում է սրտաբանության բաժանմունքում։ Նախնական տվյալներով՝ Բոյարսկին հոսպիտալացվել է սրտի իշեմիկ հիվանդության պատճառով։
Mash-ին տված մեկնաբանությունում արտիստը հրաժարվել է իր վիճակի մասին մանրամասներ հայտնել՝ բացատրելով, որ իր առողջական վիճակը միայն սիրելիների հետ է քննարկում։
Հիշեցնենք, որ 2023 թվականի հունվարին Բոյարսկին հոսպիտալացվել էր սրտի կաթվածով։
