«Հեզբոլլահ»-ը հայտնել է, որ Իսրայելը «շատ վտանգավոր» շտրիխ կոդերով թռուցիկներ է նետում Լիբանանի տարածք
Լիբանանյան «Հեզբոլլահ» խմբավորումը հայտնել է, որ Իսրայելը «շատ վտանգավոր» շտրիխ կոդերով թռուցիկներ է նետում Լիբանանի արևելքում գտնվող Բեքաայի հովիտ։
Այս մասին հաղորդում է Reuters գործակալությունը։
Խմբավորումը նախազգուշացրել է, որ հեռախոսով կոդի սկանավորումը «հեռացնում է սարքի ամբողջ տեղեկատվությունը»։
Իսրայելի պաշտպանության բանակը չի մեկնաբանել այս հայտարարությունը։ «Հեզբոլլահ»-ի մամուլի գրասենյակը չի ասել՝ արդյոք թռուցիկների վրա որևէ այլ բան գրված է թե ոչ։Սեպտեմբերի 23-ի առավոտից իսրայելական ավիացիան սկսել է զանգվածային հարվածներ հասցնել Լիբանանի հարավում և արևելքում գտնվող բնակավայրերին։
Հարվածի տակ են հայտնվել տասնյակ գյուղեր և բնակավայրեր։ «Հեզբոլլահ» շարժման մարտիկներն իրենց հերթին տասնյակ հրթիռներ են արձակել Իսրայելի հյուսիսի ուղղությամբ: Իսրայելական ավիահարվածների հետևանքով Լիբանանում զոհերի թիվը հասել է 558-ի, վիրավորների թիվը՝ 1800-ի։
