Իրանական կողմի համար կարևոր է Սյունիքի մարզի անվտանգությունը. դեսպան
Իրանական կողմի համար կարևոր է Սյունիքի մարզի անվտանգությունը։ Այս մասին SNN գործակալությանը տված հարցազրույցում ասել է Հայաստանում Իրանի դեսպան Մեհդի Սոբհանին։
«Դա ռազմավարական շրջան է, որը մեծ դեր ունի անվտանգության և առևտրի ապահովման համար Իրանի և Հայաստանի միջև։ Կապանում Իրանի գլխավոր հյուպատոսության բացումը նպաստել է սահմանային հաղորդակցության բարելավմանը»,- ընդգծել է նա։
Հիշեցնենք, որ Կապանում Իրանի գլխավոր հյուպատոսությունը բացվել է 2022-ի հոկտեմբերի 21-ին:
