«Ալիևը դրսից է ահաբեկում հայությանը, Փաշինյանը՝ ներսից». Շարմազանով
Էդուարդ Շարմազանովը ֆեյսբուքյան իր էջում գրում է․
«Ալիևը դրսից է ահաբեկում հայությանը, Փաշինյանը՝ ներսից։
Ալիև-Փաշինյան զույգը հավաքական Արևմուտքի օժանդակությամբ հաջողվել է վախի մեջ մտցնել մեր հասարակության մի մեծ հատվածի։
Անինդհատ ահաբեկելով հայ ժողովրդին նոր պատերազմով՝ նրանք հերթով կորզում են նոր զիջումներ։
Հենց դա էր պատճառը, որ Փաշինյանը չկանգնեցրեց պատերազմն ու 5000 նահատակության պատճառ դարձավ։
Պետք էր վախ սերմանել ժողովրդի մեջ, պետք էր կոտրել ժողովրդի ողնաշարը։
Պետք էր արյունաքամ անել հայոց բանակը, որ այսօր նոր հաղթական պատերազմի ու ինքնապաշտպանության մասին միայն իմ նման իդեալիստները մտածեին։
Պատերազմի սպառնալիքի տակ նրանք հանձնեցին Գորիս-Կապան ճանապարհը։
Ահաբեկելով նոր զոհերի հեռանկարով՝ հանձնեցին ու հայաթափեցին Արցախը։
Հիմա էլ վախեցնում են պատերազմով ու սպառնում փոխել Սահմանադրությունն ու Անկախության հռչակագիրը։
Այսօր ասում են ՝ Ղարաբաղը ադրբեջանական է, Արարատը՝ ոչ հայկական պասմությունն էլ ոչ թե Հայոց, այլ՝ Հայաստանի։
Վաղը ասելու են՝ մոռացեք Մաշտոցին, Խորենացուն, Ավարայրի Վարդանին, Հովհան Օձնեցուն, Դավիթ Բեկին, Նժդեհին…
Մոռացեք Սարդարապատն ու Ղարաքիլիսան, Բաշ-Ապարանն ու Լեռնահայաստանը։
Մոռացեք, թե չէ պատերազմ կլինի։
Սա զուտ շանտաժ չէ։
Սա փաստացի ահաբեկում է։
Եվ կա կարծիք, որ մենք գործ ունենք ահաբեկչական խմբավորման կանոններով գործող ռեժիմի հետ։
Ռեժիմի, որի գործը ոչ թե սեփական քաղաքացիների ու հայրենիքի պաշտպանությունն է,այլ՝ հայ ժողովրդի ահաբեկումը։
Մի մասը ահաբեկվում է։
Մի մասը՝ այդ ճանապիրհին է։
Մյուս մասն էլ՝ ապավինում է Աստծուն ու իր հերոսների ոգուն, ու բռնել է պայքարի ճամփան։
Մուրացկանը հայրենիք չի ունենում։
Նրան ընդամենն անկելանոց են տալիս։
Անորակելի է մուրացկանությունը քաղաքականության մեջ»։
