Նախկին փոխնախարարը դատի է տվել ՀՀ կառավարությանը՝ պահանջելով վերականգնել իրեն պաշտոնում

«Դատալեքս» դատական տեղեկատվական համակարգից տեղեկանում ենք, որ ՀՀ Շրջակա միջավայրի նախարարի նախկին տեղակալ Գայանե Գաբրիելյանը դատի է տվել կառավարությանը՝ պահանջելով անվավեր ճանաչել իրեն աշխատանքից ազատելու որոշումը։

Գաբրիելյանը պահանջում է անվավեր ճանաչել Նիկոլ Փաշինյանի՝ իրեն պաշտոնից ազատելու որոշումը, վերականգնել իրեն իր նախկին՝ ՀՀ Շրջակա միջավայրի տեղակալի պաշտոնում, ինչպես նաև փոխհատուցել հարկադիր պարապուրդի ամբողջ գումարը։

Հիշեցնենք, որ Գաբրիելյանն աշխատանքից ազատվել է այս տարվա մարտի 21-ին Նիկոլ Փաշինյանի որոշմամբ։