Հայտնի են դարձել «Օսկարի» հաջորդ երկու մրցանակաբաշխության անցկացման ժամկետները
Ռուսական ИТАР-ТАСС լրատվական գործակալության փոխանցմամբ՝ Ամերիկյան կինոարվեստի ակադեմիան երեկ հայտարարել է «Օսկարի» հաջորդ մրցանակաբաշխության անցկացման ժամկետը:
86-րդ մրցանակաբաշխությունը տեղի կունենա 2014 թվականի մարտի 2-ին, Hollywood and Highland համալիրում, ուր գտնվում է հայտնի «Դոլբի» կինոթատրոնը: Այն հեռարձակվելու է ABC հեռուստաալիքի կողմից:
Բացի այդ, կազմակերպիչները հայտնել են նաև 87-րդ մրցանակաբաշխության ժամկետը. այն տեղի կունենա 2015 թվականի փետրվարի 22-ին: «Օսկար» մրցանակն ամեն տարի հանձնվում է 1929 թվականից:
