Ուկրաինայում առատ ձյան պատճառով հոսանքազրկվել է ավելի քան 160 բնակավայր
![](https://168.am/wp-content/uploads/2013/03/927505690.jpg)
Ռուսական РИА Новости լրատվական գործակալության փոխանցմամբ՝ Ուկրաինայում առատ ձյան պատճառով շարունակում է հոսանքազրկված վիճակում մնալ ավելի քան 160 բնակավայր: Այս մասին հայտնել է Ուկրաինայի ԱԻՆ-ը:
Երեկ հոսանքազրկվել էր 600 բնակավայր: Դրանցում աշխատում են մասնագետները՝ էլեկտրաէներգիայի մատակարարումը վերականգնելու համար: Ուկրաինայի պետական նշանակության ավտոճանապարհներն անցանելի վիճակում են, Կիևի խճուղիներում իրավիճակը հանգիստ է՝ թեև նախօրեին կաթվածահար էր եղել քաղաքի երթևեկությունը:
Ուկրաինայի հիդրոմետի տվյալներով՝ ավելի քան 100 տարվա ընթացքում առաջին անգամ Ուկրաինայում ցիկլոնի հետևանքով հանգստյան օրերին տեղացել են մեկ ամսվա չափ տեղումներ: Առավել ծանր իրավիճակ է ստեղծվել Կիևում և մի շարք շրջաններում: Երկուշաբթին Ուկրաինայում հայտարարվել է ոչ աշխատանքային օր: