Վահագն Խաչատուրյանը Բուդապեշտում հանդիպել է Հունգարիայի վարչապետի հետ

Պաշտոնական այցով Հունգարիայում գտնվող Հայաստանի Հանրապետության նախագահ Վահագն Խաչատուրյանը փետրվարի 7-ին հանդիպեց Հունգարիայի վարչապետ Վիկտոր Օրբանի հետ։

«Արմենպրես»-ի թղթակցի հաղորդմամբ` հանդիպումը կայացավ Հունգարիայի վարչապետի նստավայրում։

Հայաստանի նախագահը կայցելի նաև Հունգարիայի Ազգայի ժողով, որտեղ հանդիպում կունենա երկրի ԱԺ նախագահ Լասլո Կյովերի հետ։

Փետրվարի 6-ին Վահագն Խաչատուրյանը հանդիպել էր Հունգարիայի նախագահ Կատալին Նովակի հետ։