Մոուրինյոն «Ռոմայի» երկրպագուներին հրաժեշտ տալիս արտասվել է

«Ռոմայի» գլխավոր մարզիչի պաշտոնից հեռացված պորտուգալացի Ժոզե Մոուրինյոն հռոմեական ակումբի երկրպագուներին հրաժեշտ տալիս չի կարողացել զսպել արցունքները։

Դրանից առաջ Մոուրինյոն սոցիալական ցանցերում արած գրառումով մեկնաբանել էր պաշտոնանկությունը։

«Քրտինք, արյուն, արցունքներ, ուրախություն, տխրություն, սեր, եղբայրներ, պատմություն, սիրտ, հավերժություն»,- գրել էր Մոուրինյոն։

Մոուրինյոն «Ռոման» գլխավորել էր 2021թ․ ամռանը։ 2022-ին «Ռոման» նվաճեց Կոնֆերենցիաների լիգայի գավաթը, 2023-ին հասավ Եվրոպայի լիգայի եզրափակիչ։

«Ռոմայում» Մոուրինյոյին փոխարինել է ակումբի նախկին խաղացող Դանիելե Դե Ռոսին։

Իտալիայի առաջնության 20 տուրից հետո «Ռոման» 29 միավորով 9-րդ տեղում է։

Mourinho leaves trigoria for the last time surrounded by Roma fans ❤️

pic.twitter.com/xQYjsCeCbV

— J (@MourinhoPics) January 16, 2024