Հրազդանից Չարենցավան ճանապարհին տասնյակ ավտոմեքենաներ են վթարի ենթարկվել, կան տուժածներ
ԱԺ «Հայաստան» խմբակցության անդամ Գառնիկ Դանիելյանը ֆեյսբուքյան իր էջում տարածել է այս տեսանյութը՝ տեղեկացնելով, որ Հրազդանից Չարենցավան տանող ճանապարհին տասնյակ ավտոմեքենաներ շղթայական ավտովթարի են ենթարկվել։
«Բազմաթիվ քաղաքացիներ ստացել են տարբեր մարմնական վնասվածքներ։ Այս ճանապարհահատվածում պատշաճ սպասարկում չիրականացնելու հետևանքով տուժում են մեր քաղաքացիները»,- տեսանյութին կից գրել է պատգամավորը։
Ի դեպ, Shamshyan.com-ն էլ հայտնում է, երեկ ժամը 20։00-ի սահմաններում Իջևան-Սևան-Երևան ավտոճանապարհի 107 կմ հատվածում բախվել են 40-ից ավելի ավտոմեքենաներ։
Վթարների հետևանքով ճանապարհը ամբողջովին դարձել է անանցանելի։ Նշվում է, որ վիրավորների թիվը մոտ մեկ տասնյակ է։ Վարորդների մի մասը, չսպասելով ԱՊՊԱ-ին՝ ավտոմեքենաները հրելով փորձել են դուրս բերել ճանապարհից։
